دفنوه/صارلها ريحتو
طالعا 13 سني!!
12 May 2003
المسيح عليه السلام/ غفر للص اليمين لأنو طلب المغفرة/ ابن الأله عرف بقدسيتو إنو فعلا هاللص المصلوب على يامينو صادق/ فغفرلو خطاياه/ اللص التاني يلي كان مصلوب ع شمالو ما غفرو/ ليش؟/ لأنو ما طلب المغفرة،وما سعى لها/ بل على العكس استهزأ بالموقف/ ما عرف يتعامل معو/وما قدرو/ وضل الشيطان راكب راسو/ضاع وضيع الفرصة/
يا
جماعة الخير/
ويا كبيرنا/ اذا كان رب
الأكوان قبل
توبة
الخاطئين وغفرلون
خطاياهن/ مين
نحنا تا
نرفض الغير
لما بيغيرو
مواقفون/ وننهرون/ ونبعدون
عنا؟/ بصراحة كتير كتير
مكشوفي/نحنا
إذا اليوم ما
عرفنا نقدر
تغيير
المواقف بالمنطقة
ونتعامل معها
بشجاعة
وإيمان/منكون
متل لص
الشمال/يلي ما
قدر يقدر
الموقف/ وسوكر
بسبب عماه فرن
مرتب عا ذوقو عند
المضروب لوسيفورس/ونحنا
بيكفينا
فران وتلدوع/
المسيح
نفسو ومن
بعد ما تعب من
حمل صليبو ع
طريق الجلجلي/
ما مانع لما سمعان
القيرواني/
قرب منو
وحمل عنو
الصليب/ فيا
جماعة شو
المضرة نقبل
مساعدة الغير/
إذا كنا بحاجي
إلها/وإذا كان
هالغير
بدو يساعدنا/
وعم يعرض
علينا
المساعدة/ حتى
ولو كان
بالسابق من
يلي تعدو
علينا وسرقو
غلالنا/ وشردو
غنمنا؟/
مش
عيب ولا حرام
نقبل المساعدي
من الغير/حتى
لو كانت
مساعدة هالغير
بتخدم مصلحتو/
يا
جماعة ويا
كبيرنا/ اليوم
في اوضاع
جديدي
بالعالم
وبشرقنا عم تتلاقا مع
مصالحنا
الوطنية والانسانية/
ويلي كانو
تعدو علينا وشردو
غنمنا/ غيرو
موقفون/ لأنو
مصالحون هيك
بتقضي/
طيب ما هني
الكبار والقوايا/
وهني يلي بأيدون
الحل والربط/معقولي
نرفض ونقلولون/
له/ ما بدنا/
ونتكبر عليون/
ونفضل دعوسة
عبدون/ هالعبد
يلي سلمونا إلو/ يوم ما
كانو
بحاجي لخدماتو
الاجرامية/
ولو ما عدنا
نفرق بين
العبد
والسيد؟ وحلي
العبد بعينا؟
ونسينا مين
نحنا؟/
يا
جماعة الخير/
خلونا نزين الشغلي
بعقل مفتوح
وإيمان//
إيمان بنفسنا/
وكمان بشعبنا/
خلونا نطلع من
العقلية
الذمية/ الاذلالية/
بيكفينا
ركوع/ ولك اهترو
ركابنا/
رحمونا/ يا
عمي/ أه/
بتجوز علينا
الرحمي/ بيكفينا
صلب/وبيكفينا
وجع وعذاب/
اجا
الوقت تا
يطلع وطنا من
القبر/
المحبوس فيه
من 30 سنة/ما بيجوز
أبداً وتحت أي
ظرف نوقف بوج
يلي بدون يدحرجو
الصخرة عن
القبر/تا
يقدر وطنا
يتحرر من حبسو/حتى
لو كانو هني نفسون
يلي دفنوه ولعنو
ابو سلسفيلو
من قبل/ طيب يا
عمي يمكن تابو
وربنا هداون/ومصلحتون
اليوم عم تتلاقا
مع مصلحتنا/
شو الضرر/يعني
لازم نضل ملزقين
بالشقيقة وافضالها
الكتيري؟
وداحشين
حالنا بالعبد ومستلزين بركايزو المشحمي/يلي
كل يوم عم
تطلع من راسنا؟/
بيكفينا
تقديم قرابين
من خيرة
شبابنا وبيكفينا
عض ع جروحنا المعنزرة
من اهمال
رعاتنا/بيكفينا
دندلي/ وبيكفينا اذية وكفر
يلي تاجروا
بقضيتنا / وبعدون
عم يتاجرو/
بيكفيون تمسيح
جوخ/وتبخير/ وتنجير
ركائز/ كل شي إلو نهاية/
ما هيك يا
شباب الشقيقة/
ولك/خدو
من مصير
الرفيق صدام وربعو البعثيين
عبرة/ وتعلمو
كيف تكسرت تماثيلو/
يا
جماعة شو
المضرة إذا
كانت مصلحة اميركا
ومعها فرنسا/
اليوم عم تتلاقا
مع مصلحة
وطننا/ وآلية
استعادت استقلالو
وحريتو وقرارو؟/
لازم
الكل يعرف
اليوم/ أنو
لبنان الحر قرارو/والريقا
أوضاعو/ضرورة
للأمن
والسلام
بالشرق
الأوسط/ هاللبنان
هدا/ العالم كلو بحاجه إلو/ بشرط
ما يضل فيه
محميات/ ودول
خارجة عن
القانون/وابوات
بلحى مستعارة/
بمخيمات كل مين ايدو
إلو/وما
يضل فيه
مليشيات/ومافيات/واصولية
وسلفية/ولا مسؤولين
وسياسيين من
خامة عضوم
والسيد والقنيدل
وبابا كريم
ومالك وهالك
وللوس
الداخلية/وعمو/وباقي
قوبة وحدة المصارين
والفشش/
المحتل
السوري صرلو
تلاتين
سني راكب ع
قفانا/ بيكفينا/نفلقنا/ لو
كان بدو يحارب
اسرائيل كان
حاربها/ ولك
ما هي ركبتو
ع قفانا/ولو
كان بدو
مصلحتنا/ومصلحة
أهلنا وراحتون/
ما كان بعدو
عم يركبلنا
كل يوم ركائز منجره/ وما
كان هجر نص
شعبنا/وسجن
أحرارنا/وأجرم
بشبابنا/ وغيب
وابعد
قيادتنا ونكل
بطلابنا/ واذا
بدنا نعدد افضالو
الاجرامية
ما منعود
نخلص لعبكرا/
ومتل ما بتعرفو عبكرا عنا
شغل/
أكيد
سمعتو شو
قال الأسد/ للنيوز
ويك/ قال
ما بدو جيشو
يفل من عنا
إلا من بعد ما يرجعولو
الجولان كلو/
وشبعا كمان/
ويحل السلام
الشامل/ويتصالح
هو وباقي الاخوان
العربان مع اسرائيل/
يعني العربان
يلي بعد ما تصالحو/
بس ناطرين
دورون/ وبالصف/
له
ما حكي شي عن الطايف/
ولا جاب سيرتو
بنوب بنوب/
دخلكون
شو رأي
قيادات/
وكبيرنا بي
هالشغلي؟/
يعني لازم
كبيرنا يكون
ملك اكتر من
الملكيين؟/
يا
جماعة
الشقيقة
بالقطر
اللبناني/ويا
قيادات وطننا
الذميين/ أه
انتو/ يلي فلقتونا
بالطايف/ وحياتكون فسرولنا
مواقف سيادة
رئيس القطر
السوري/
وخبرونا إيمتا
الدفن/ تا
نبقا نجيب
معنا عدة الدفنو
نأجر معكن وننكيلنا
سحبي/ حرام عليكون
هالميت الاسمو
الطائف صرلو
ميت 13 سني/ يعني
من قبل ما
يخلق/
حسو
عا دمكون
ودفنوه بقا/ فطستونا
ريحا/
وسامحونا.