معرض
انجازات
سوريا
30.6.03
يوم
الأحد بتاريخ
29 حزيران 2003 تم ب اوتيل ميريديان
كومودور -
بيروت افتتاح
معرض انجازات
سوريا ب عهدي
حافظ وابنه
بشار الأسد في
مجال الانماء
والاعمار/
ضم المعرض 300
لوحة بتبين
من غير شر/
الانجازات المحكى
عنها/ افتتح
المعرض نقيب
المحررين اللبنانيين
ملحم كرم
بوصفه نائبً
رئيس اتحاد
الصحافيين
العرب ورئيس
اللجنة
الدائمة
للحريات/ شارك
في المعرض عدد
كبير من المسؤولين
من البلدين/
يا عيب الشوم/ما
عد في كرامات
ولا احترام
للذات/أي
انجازات عن
يحكوا
عنون/وأي
انجازات صورتون
ب 300 لوحة/ع كل
حال رفيقون
صدام سبقون
بكتير/كان
مركب بالمدن
والقرى والدساكر
2380 تمثال
لحضرته/كلون
اختفوا ب 24
ساعة/كسرون
العراقية/ بزقوا
عليون وضربون بالسرامي/هيدي
نهاية كل
ظالم/
تصوروا
الاستاد ملحم كرم
افتتح معرض
الانجازات
السورية
بصفته رئيس
اتحاد
الصحافيين
العرب ورئيس
اللجنة الدائمة
للحريات/ نعم
رئيس اللجنة الدايمة/ل
شو/ للحريات/
دام عز
الحريات شو
رخصوها/ دخلكون
في كفر بعد اكثر
من هيك/كمان
يا عيب الشوم
وحيف ع الرجال
العاملي
من كرامتها مماسح
ومناشف من
النوع الترسو/
بالوقت
الكان
فيه الاستاذ
كرم ومعو
باقي عناصر
فرقة الزحف
والتعفير والتبخير
والتحلين/من
الكتبة والفريسسين
والعشارين/
عم يمجدوا
بانجازات الاسد
وابنو
ببيروت/كان في
مناحة
بالبقاع وحزن
وبكي وندب/ع
مواطن لبناني
معتر اسمه
جوزيف اميل
حويس/ مات
بالسجون
السورية ب 19
حزيران/وبعد
ست تيام
من موته سلموا
السوريين/ اصحاب
الانجازات الأسدية/جثته
لأهله بصندوق
مسكر ممنوع
فتحه/وجبرون
يدفنوه بنص
الليل ع السكيت/لا
تشريح ولا من
يحزنون/
هالمسكين كان
سنة ال 92
عم يسوق سيارة
تكسي وعمل
حادث سير مع
جيب عسكري
سوري/ ع طريق ضهور الشوير
بولونيا/
اعتقلوه
السوريين ومن
بعد ما شبعوه خبيط
وتعذيب واهانات
نقلوه ع الشام
واستضافوه بمعتقلاتون/ومن
يوما صار رقم
بدون اسم/وما
قبلوا يتركوه لا
بالمنيح
ولا بالعاطل/
مع انو مصاب
بمرض الصرع وبتصرلوا كرايز/كان
مسموح لأهله
بالبداية
يزوروه ويجيبولو
الادوية/
من بعد ما
يدفعوا برطيل
للضباط
للسوريين
مبالغ مال
كبيرة/
من سنة ال 2000
الشقيقة
صاحبت
الانجازات
يلي الاستاذ
ملحم كرم
عم يحتفل
فيون/نكرت
وجودوه/ودولة الطايف
عنا نعته هو و18000 الف مخطوف
ومفقود
ومعتقل وطلعت
بيان اعتبرتون
فيه بعداد
الموتى/
فمبروك
للأستاذ ملحم
كرم ول باقي الشاركوه
الاحتفال
بانجازات
سوريا
الأسدين/بس يا
ريت كمان كانو ا
حطوا بالمعرض
صورة هالمسكين
جوزيف عويس
وحدا صورة
عادل عجوري
يلي كمان مات
بسجون
الشقيقة من كترة
التعذيب
الأخوي/ وحدون
صور هالتنين
لازم كان
يحطوا صور الآف
اللبنانيين
المواطنين
والضباط
والرهبان والشيوخ
والصحافيين
والسياسيين/ ال قتلتون
الشقيقة/ رياض
طه/سليم اللوزي/
المفتي حسن
خالد/ الرئيسن
بشير الجميل
ورينه معوض/
كمال جنبلاط
وغيرون كتير/
هيدي هني
انجازات
الأسد وابنه
بلبنان/انجازات
القتل والقصف
والخطف
والاغتيالات
والتفجير
والسرقات
والفوضى
والتهريب
وزراعة
الممنوعات وتجارة
البشر وافقار
وتيأيس وتهجير
اللبنانيين/
وطبعاً ما
فينا ننسى انجازات
الأسد وابنه
بوحدة المسار
والمصير والكروش
والمصارين/
وانجازاته المقاومتيه
والأصولية
والسلفية
والبني لادنية/والبني
ابو محجنية/
دم
جوزيف حويس
ودم كل لبناني
مسؤولي
عن قتلة
الشقيقة إن
كان بلبنان أو
بسجونها هو
برقبة الأسد البي
وابنه وكل
حكام الشام/ دمون
برقبة كل حكام
لبنان
المحكومين/
وبرقبة كل السياسيين
ورجال الدين
والمواطنين اللبنانيية
من فخامته
وبالنازل
وبالطالع/هودي
القبلانين
يكونوا
واجهات
للمحتل
السوري وعم
يستروا ع جرايمه
تا يضلوا
محافظين ع
مصالحون/كل
يوم عم يرتكبوا
الف
جريمة
يا عيب الشوم ع كل
لبناني بايع
ضميره، مسخر
وجدانه/ مأجر
لسانه للمحتل البعثي/
وعامل من
جبينه ممسحة ع
عتاب عنجر/
وين بدون
يروحوا من
ساعة الحساب/الما عدادتش
مطول/ ب هاليوم
الحزين/خلونا نصلي
لراحة نفس
جوزيف حويس
ولراحة نفس كل
ال دمون
برقبة نظام
البعث السوري
ووجهاته/
وخلونا نصلي
كمان تا
ربنا يفك اسر البعدون
من أهلنا
مسجونين
اعتباطاً
بالسجون
السورية
واللبنانية
كمان/ ع كل حال
ما في ليل إلا وإلو
نهاية/وما في
طلعة وما إلها
نزلي/